سالام مىھرىبانلىرىم، مىنىڭ بىر ئوغلۇم بىر قىزىم بار، ئىككى پەرزەنتىمنى ئازغىنە مائاشىم بىلەن بېقىپ كىلىۋاتقان ئىدىم. كۈنلىرىمىز ئۇنچە باياشات بولمىسىمۇ خاتىرجەم، تىنمىز ساق ئىدى. ئائىلە تۈۋرۈكسىز 6 يىل جەريانىدا بالىلىرىمنىڭ دادىسى يوقلىقىنى چاندۇرماسلىق ھەم بوينىنى قىسلدۇرماسلىق ئۈچۈن جان-جەھلىم بىلەن ئانا ھەم دادا بولۇپ بالىلىرىمنى ياخشى تەربىيەلەپ، ياخشى ئوقۇتۇپ جەمئىيەتكە ياراملىق ئادەم قىلىش ئارزۇيۇم باتتى. باشقا ئاتا-ئانىلارنىڭ پەرزەنىتلىرىنى ياخشى ئوقۇتۇش ئارزۇسىدىن مىنىڭ ئارزۇيۇم نەچچە ھەسسە كۈچلۈك بۇلىشى مۇمكىن. چۈنكى مەن مەلۇم سەۋەپلەر تۈپەيلى ئوتتەك ئوقۇش قىزغىنلىقىم بولسىمۇ تۇلۇقسىز ئوتتۇرانى پۈتتۈرۈپلا مەكتەپ قوينىدىن ئايرىلىشقا مەجبۇر بۇلۇپ، ئالى بىلىم يۇرۇتلىرىدا ئوقۇش ئارزۇيۇمغا يىتەلمىگەن ئىدىم. شۇ سەۋەپ ئوقۇيالمىغانلىقىمنىڭ دەردىنى بۈگۈنگىچە تارتىپ كەلدىم، ئۈكۈنىدىغىنىم ھەم پۇشايمىنىم يەنە شۇ ئوقۇيالمىغىنىم ئىدى. مىنى ھەممىدىن خوشال قىلىدىغىنى 9 ياشلىق ئوغلۇمنىڭ ئوقۇش قىزغىنلىقى ھەم نەتىجىسىنىڭ كۆرىنەرلىك ياخشى بۇلىشى ئىدى، ئوغلۇمدىن بەك سۈيىنەتتىم، چۈنكى ئۇ مىنىڭ تايانچىم ھەم مىنىڭ ئارزۇيۇمغا روياپقا چىقارغۇچى ئىدى.

2021-يىلى 12-ئايدا ئوغلۇمنىڭ كۆرۈش قۇۋۋىتىنىڭ تۇيۇقسىز ئاجىزلاپ دوسكىدىكى ئوقۇتۇش دەرىسلىكلەرنى كۈرەلمەي دەرىسلەرنى ۋاقتىدا ئۆزلەشتۈرەلمىگەنلىكىنى، كۈندىن-كۈنگە ئۈگۈنۈش نەتىجىسىنىڭ تۈۋەنلەپ كەتكەنلىكىنى بايقاپ ھەدىيە كۆز كىسەللىكلىرى دوختۇرخانىسىغا داۋالىتىش ئۈچۈن ئەكەلگىنىمدە دوختۇر يۇقىرى دەرىجىلىك دوىتۇرخانىلاردا داۋالىتىشىمنى ئېيىتتى. ئوغلۇم ھازىر ئاپتۇنۇم رايۇنلۇق 3.خەلق دوختۇرخانىسى گۇاڭسەي مىڭتىيەن روۋشى ئامبۇلاتورىيەسىدە داۋالىنىۋاتىدۇ، تەكشۈرۈش نەتىجىسى كۆزنىڭ نۇر سۇندۇرىشى ئاجىز، كۆرۈش قۇۋۋىتى ئېغىر دەرىجىدە تۈۋەن چىقتى، ۋاقتىدا داۋالىنىش قىلمىسا كۈرەلمەس بوپ قېلىش ئىھتىماللىقى يۇقۇرى ئىكەن، مەندەك يالغۇز ھەم تۈۋەن مائاشلىق ئايال ئۈچۈن ئوغلۇمنى داۋالىتىش چىقىملىرىنى ھەل قىلالمىغانلىقىم ئۈچۈن سىلەردىن تۈۋەنچىلىك بىلەن ياردەم سوراشقا مەجبۇر بوپ قالدىم. بارلىق مىھرىبانلارنىڭ ئوغلۇم ئۈچۈن ياردەم قولىنى سۇنۇشىنى ئۆتۈنىمەن!!!