ئېغىر كىسەللەرنى كۈزىتىش ئۈيى ئالدىدا يىغلاۋاتقان قىز...    

ھايات بەك گۈزەل، نورمال تۇرمۇش خاتىرجەملىككە تولغان بىر ئائىلىدە گۈزەل ھايات تېخىمۇ مەناسىنى تاپىدۇ ئەلۋەتتە...    

مىنىڭمۇ ئەنە شۇنداق خوشال خورام بەخىتلىك بىر ئائىلەم بار ئىدى، ھەم داۋاملىق شۇنداق بولىشىنى ئۈمىد قىلاتتىم. بىز 5 قېرىنداش، مەن بالىنىڭ چوڭى، بۇ يىل ئارزۇ ئارمانلىرىم رىياللىققا ئايلىنىپ ئالىي مەكتەپكە قوبۇل قىلىندىم، مەن بەك خوشال بولغان ئىدىم. مىنىڭ سىڭلىم بۇ يىل تۇلۇق ئوتتۇرا بىرىنجى يىللىقتا، ئىككىنجى سىڭلىم تۇلۇقسىز ئوتتۇرىدا ئوقۇيدۇ، ئىنىم ئىككىنجى دەرىجىلىك مېيىپ، ئەڭ كىچىك سىڭلىم بۇ يىل باشلانغۇچ مەكتەپنىڭ 4-يىللىقىدا ئوقۇۋاتىدۇ، 2017.يىلى دادام بىزدىن مەلۇم سەۋەپلە بىلەن ئايرىلىپ كەتكەن. بۇ بەش يىلدىن كۆپرەك ۋاقىتتىن بېرى، بىچارە ئانام بىزگە ھەم ئانا ھەم دادا بولۇپ تىرىشىپ - تىرمىشىپ جان تىكىپ ئىشلەپ، مېيىپ ئۇكامنىڭ ھالىدىن خەۋەر ئېلىپ، بىزنى بېقىپ كەلگەن ئىدى، ئاجىز يوپۇرماققا بالدۇرلا ئۈششۈك تەككەندەك، جېنىمىزنى ئاران جان ئېتىپ كېلىۋاتقان ئائىلىمىزگە كۈتۈلمىگەن ئازابنىڭ قارا بورانلىرى كەلدى.    

11-ئاينىڭ 8-كۈنى ئانام تۇيۇقسىزلا ئېغىزى مايماق بولۇپ قېلىپ، 120 جىددىي قۇتقۇزۇشنى چاقىرىپ دوختۇرخانىغا ئاپاردۇق، دوختۇرلار قان بېسىمى ئۆرلەپ، مىڭىسىگە قان چۈشۈپتۇ دەپ دىئاگنۇز قويدى، باشتا دوختۇرخانىغا كىرگەندە ئەس - ھۇشى بار ئىدى، دوختۇرخانىغا كىرىپ بىر سائەتتىن كىيىن پەقەتلا  ھۇشى يوق بوپ قالدى، ئىككى كۈن جىددى قۇتقۇزىشتا قۇتقۇزۇلۇپ، ئاندىن ئېغىر كىسەللەرنى كۆزىتىش ئۆيىگە يۆتكىدى، ئىككى كۈنلۈك داۋالىنىش ھەققى، 5000 يۈەن تۈگەپ قەرىز بولۇپ قاپتۇ، دوختۇر كۈنلىكى، 3000 يۈەندىن 5000 يۈەنگە قەدەر چىقىدۇ دىدى، بۈگۈن 16 كۈن بولدى، ئەسلىدىنلا ھال ئەھۋالىمىز ئانچە ياخشى بولمىغان ئائىلىمىزگە، بۇ چىقىم ئېغىر كېلىپ ئىقتىسادتىن بەك قىينىلىپ قالدۇق، ئۆيدە دادام يوق، ئاناممۇ يوق، بۇ مەزگىلدە، قىلىدىغان ئامالنىڭ ھەممىنى قىلدىم، ئولتۇرۋاتقان ئۆيىمىزنى ساتاي دەپ شۇنداق كۈچىسەممۇ، ئالىدىغان ئادەم چىقمىدى، ئامال يوق بۇ مۇراجىئەتنامىنى ئەزىز قېرىنداشلىرىمغا سۇنۇپ تۇرۇپتىمەن، ئاقكۆڭۈل ئاكا ھەدىلىرىمنىڭ ئازراقتىن بولسىمۇ ياردەم قىلىشىنى تۆۋەنچىلىك بىلەن سورايمەن،  ياخشىلىق يەردە قالماس، ئانامنى قۇتقۇزىۋېلىڭلار، بىزنىڭ ئائىلىگە، بىز بەش بالىنىڭ بېشىغا كەلگەن ئېغىر كۈن ھىچكىمنىڭ بېشىڭلارغا كەلمىسۇن!